بالفيديو.. التدوين التلقائي على مدونات بلوجر

بالفيديو.. التدوين التلقائي على مدونات بلوجر..  فى البداية أنا حابب اقولكم ان "جوجل" مابيفوتش الهوا - وان جوجل عمل كل حاجة تريح (المدون) - جوجل ماسبش حاجة ماعملهاش دا خلاصة الكلام.

الخاصية بالفعل موجودة عندنا فى لوحة اداره بس احنا مكسلين ومش مركزين.

الخاصية تعتمد على التدوين التلقائى من عدة مواقع لو انت هتحط كذا موقع او بتعتمد على التدوين التلقائى من موقع كذا لو انت هتحط موقع واحد او اكتب اسماء المواقع بس نبه الزائر وكمان عشان انت ماتظلمش اى صاحب موقع بنقلك الاتوماتيكى لمقالاته.

تعرف علي مكان الخاصية..

1- خلى لوحة التحكم الرئيسية عندك فى بلوجر باللغة العربية تمام

2- بعد كدة على إعدادات فى المدونة اللى هتعمل فيها التدوين التلقائى

3- بعد كدة على البريد الإلكترونى والجوال - بص بقة هنا الخاصية دى اللى ماحدش ابداً مركز فيها

انزل شوية بالصفحة كدة هتلاقى خيارات الإرسال وهتلاقى تحتها عنوان إرسال المشاركات بالبريد الإلكتروني (والمعروف أيضًا باسم Mail2Blogger) - وهتلاقى ايميلك وفيه فراغ فى النص وفى الاخر @blogger.com وهتلاقى تحتهم بالظبط استخدم هذا العنوان لإرسال نص وصور (بحجم لا يتجاوز 10 ميجابايت) مباشرةً إلى مدونتك الإلكترونية.
ركز كدة فى الملاحظة دى (استخدم هذا العنوان لإرسال نص وصور مباشرةً إلى مدونتك الإلكترونية) يعنى تدوين تلقائى.

طريقة التفعيل:

- ضع مكان الفراغ اى كلمة باللغة الانجليزية انت تحبها بس تكون على الاقل 5 حروف تمام.

- هتلاقى تحت ثلاثة اختيارات:
نشر رسائل البريد الإلكتروني على الفور
حفظ رسائل البريد الإلكتروني كمسودات رسائل
معطل

شرح الاختيارات الـ3:-
- أول اختيار معناه ان اى رسائل أو مواضيع يعنى هتيجى من اى موقع انت عايز تنشر مواضيع منه على مدونتك هتنزل فى المدونة على الفور من غير مانت تدوس نشر هى هتتنشر لوحدها

- ثانى اختيار معناه ان اى موضوع هييجى من الموقع على مدونتك هيتحول لمسودة لحد مانت تشوف حالة الموضوع هل يصلح للنشر - موضوع جيد - مش جيد كدة وبعدين انت تنشره - تعلم عليه وتدوس نشر او تدخل جوة الموضوع وتدوس نشر وانا انصح بالاختيار ده

- الاختيار الثالث ده ملناش دعوة بيه لانه بيعطل الخاصية

نيجى بقة لاهم حاجة: ازاى اخلى الموقع اللى انا عايز اخد منه مواضيع - المواضيع تنزل عندى فى المدونة
وعلى فكرة البريد الالكترونى اللى احنا كملناه فى الفراغ ده بريد مدونتك يعنى مرتبط بالرسائل الالكترونية عندك

- فيه موقع هيساعدكم فى انه بياخد تغذية الموقع ويبعتهالك على الاميل وطبعا الاميل هو الرسائل الالكترونية يعنى هيبعت عندك فى المدونة

الموقع ده هو : http://www.feedmyinbox.com/

انت هتدخل الموقع ده تمام

هتلاقى خانتين فاضيتين:

الاولى: Website or Feed URL : دى هتحط فيها رابط الموقع او رابط تغذية الموقع اللى انت هتاخد منه المواضيع وانصح بانك تحط رابط التغذية واكيد انت عارف ازاى تجيبه

اقولك بص: عندك لما انت بتدخل على موقع وانت بتستخدم الفايرفوكس هتلاقى جمب رابط الموقع ايقونة التغذية عليها هتدخل على التغذية - خد رابط التغذية كوبى وحطه فى الموقع التانى
او
لو انت عايز تاخد من قسم واحد بس فى الموقع اللى هيبعتلك المواضيع فى مدونتك هتلاقى اكيد ان شاء الله جمب القسم ايقونة التغذية عليها وادخل خد رابط التغذية كوبى وحطه

الثانية: Your Email Address : وركز فى دى اوى - عشان الموقع ده يبعتلك تغذية الموقع التانى على رسائلك فى مدونتك حط ايميل رسائلك اللى انت مليت الفراغ بتاعه - يعنى ادخل وحطه كله خلى بالك

انت هتحط الكلام اللى ناحية الشمال وهتلاقى مع الكلام (.) اللى هى النقطة وجمب النقطة هتكتب الكلمة اللى انت كتبتها فى الفراغ وبعد كدة @blogger.com يعنى انت لو ركزت هتلاقيه ايميل كامل ركبه فى بعضه بالطريقة دى وبس كدة وبعد كدة دوس فى الموقع على submit

عارف رسالة التفعيل هتروحلك فين هتروح على تحرير الرسائل الالكترونية روح هتلاقيها مسودة - ادخل ودوس على رابط التفعيل وبكدة انت فعلت الارسال

كل يوم الموقع ده هيبعتلك تغذية الموقع التانى على شكل مسودة او منشورة زى مانت تحب فى تحرير الرسائل الالكترونية

وعلى فكرة انت ممكن تعمل فى موقع التغذية اكتر من موقع مش موقع واحد بس يعنى تخلى كذا موقع يبعتلك مواضيع بنفس الطريقة السابقة اللى شرحناها

ولو لقيت ان شاء الله موقع افضل من ده يبعتلك مواضيع اى موقع بسرعة وبطريقة منظمة وكدة هكتبلكم ان شاء الله هنا يعنى تابعوا معايا ان شاء الله تعالى لاى جديد

2:38:00 م